Alun Davies AC

Gweinidog y Gymraeg a Dysgu Gydol Oes

Llywodraeth Cymru

                                                                                   27 Medi 2016

Annwyl Alun, 

Diolch i chi am roi o’ch amser i ddod i'n cyfarfod ar 21 Medi i drafod eich cylch gwaith a chyfeiriad y Tasglu Gweinidogol ar y Cymoedd. Cydnabu'r Pwyllgor y ffaith na chafodd y Tasglu gyfle i gwrdd cyn i chi roi tystiolaeth a’r ffaith y byddai'n cyfarfod yn ddiweddarach yn yr wythnos.

Gan fod y grŵp wedi cyfarfod erbyn hyn, a allwch roi’r wybodaeth a ganlyn i ni fel y cytunwyd: 

- papurau a chofnodion cyfarfodydd cychwynnol y tasglu

- manylion y cylch gorchwyl a gytunwyd 

- gwybodaeth am y cyfeiriad a'r fframwaith strategol

Yn dilyn y sesiwn dystiolaeth, hoffai'r Pwyllgor hefyd gael:

- manylion ynghylch sut mae'r Tasglu'n bwriadu gweithio ac ymgysylltu â phobl a chymunedau ledled y Cymoedd

- trefniadau monitro a gwerthuso ar gyfer gwaith y Tasglu

- cerrig milltir, targedau a dangosyddion llwyddiant y bydd y Tasglu yn eu defnyddio

- pryd, sut ac i bwy y bydd y Tasglu yn adrodd

- gwybodaeth am sut y bydd y Tasglu yn cydlynu ac yn gweithio gyda chynlluniau presennol yn yr ardal i sicrhau'r effaith fwyaf; mae'r rhain yn cynnwys: Dinas–Ranbarth, Lleoedd Llewyrchus Llawn Addewid, Dechrau’n Deg, a Chymunedau yn Gyntaf

- pa asesiad y bydd y Tasglu yn ei gynnal ar effaith ymadael â'r Undeb Ewropeaidd

Edrychaf ymlaen at gael eich ymateb maes o law.

Cofion cynnes,

John Griffiths AC

Cadeirydd